Laburo España: 250.000 ofertas de empleo

O Capazo

16-03-2006 20:00:03

Una luita zercana por l'aragonés

Categoria: Aragonés — bordegot

Iste mensache ye dedicau, mas que mas, a la chent de Zaragoza que mira de defender l'aragonés, porque lo considera a suya lengua (encara que no sigan locutors patrimonial).

Güe, l'aragonés no ye a lengua propia d'os zaragozanos, pero d'antes mas si que en estio, y por ixo Zaragoza fa parte d'o dominio istorico d'ista lengua (cosa que no pasa con "Pau, Toulouse, Lleida"). L'aragones fa parte d'o pasau d'os zaragozan@s, y por ixo s'ha d'emponderar a aquels que deziden d'aprender ixa lengua a la cual no le sobra dengun parlador, y le'n falta muitos.

Pero amas de fer una defensa d'esta chent (que desgraziadament reziben a sobent una ripa de criticas de supuestos defensors d'a lengua), quereba planteyar un altra traza de defender l'aragones en as carreras de Zaragoza.

A batalla d'os aragonesismos y a toponimia aragonesa en Zaragoza no s'ha de perder, pero somos en momentos de fer-lo. Por que a chent se me mira raro cuan digo "la Huerba" en cuenta de "el Huerva"? Por qué chino chano s'ixemena o nombre de "Arrabal" t'o barrio d'o "Rabal"? Por qué s'ha de traduzir como "San Chusé" o nombre d'un barrio que antes mas se deziba "el Rabalete"? Por qué parolas como "espinay", "abadejo", "alberge" u "lamines" no apareixen mica en os mostradors d'as botigas? Por qué os zagals no se "hacen mal", sino que se "hacen daño"?

As personas que quieran defender l'aragonés en Zaragoza, ya tienen una buena faina a fer. Talment siga a millor traza de conzienziar a 700.000 defensors potenzials d'a lengua.

Trackbacks

Trackback URL para este post

Comentarios

  1. Yo bibo dende siempre en Andorra, comarca d'Andorra-Sierra d'Arcos, y ta yo l'aragonés ye cualque cosa intima y propia. Os míos familiars fallezius charraban unos repuis (rebús en dizimos aquí) d'aragonés d'una riqueza que os que no son d'aquí no pueden capir. Si milloré o mío aragonés y nunca l'albandonaré ye sobretot porque ye en buena parti a lengua materna de yo, y porque no podría entender, replecar, o mío pasau, as carreras por as que paso, os paisaches que beigo, a chen que ya no i ye pero que encara bibe en a memoria. As suyas parolas se ban perdendo, pero muitos encara las alzamos con l'amor d'os enamoraus.

    Y en Zaragoza, anque a situazión lingüistica ye diferén a la d'Andorra-Sierra d'Arcos, por exemplo, en esenzia a problematica ye paralela.

    Os ninos en Andorra sí que ya ban perdendo de berdá o castellano-aragonés riquismo que nos han legaus os nuestros padres. Pero ta la resta de chenerazions encara ixa lengua ye como l'aire que s'alienta, y sin ella seríanos una atra cosa.

    ¿Cómo esplicar que ta muitisma chen d'o Sur l'aragonés, u o castellano-aragonés si se quiere, ye un patrimonio PROPIO? Sí que en ye, de propio, ixe patrimonio, y desgraziadamén sólo somos capazes de capir-lo os que emos bibiu y bibimos en meyo d'ixa riqueza lingüistica graniza.

    Chuan Chusé Bielsa

    www.juanbielsa.com

    Chuan Chusé Bielsa — 17-03-2006 02:06:24

  2. Totas istas parolas y comentarios, podeban sortir en l'Eraldo d'Aragón, en periodicos de Uesca, Teruel etz ...

    default — 17-03-2006 11:34:25

  3. yo no sabeba que charraba un castellán muito fierro dica yo me'n fue ta bibir difuera de Uesca. Agora prebo de millorar o mio aragones poqué a poqué, aspero que drento de unas añadas pueda tener güenas trazas de charrar-lo

    taboné — 17-03-2006 20:40:40

  4. OS REMERO QUE EN ZARAGOZA BI HA 3 POGRAMAS DE RADIO EN ARAGONES EN AS 3 RADIOS LIBRES ZARAGOZANAS.
    LO MIO POGRAMA SE CLAMA MOSICA Y PAROLAS, DE 17.00 TA 19.00 ORAS EN LO 102.8 FM, YE BILINGUE Y ANTIMAS ISTA TARDE, QUE ESTARA LO POGRAMA LUMERO 71 FEREMOS UNA ENTREBISTA A PRAU Y LA SUYA DISCOGRAFICA MAGO FERMIN, LO PROSIMO BIERNES 31 BI SERAN MALLACAN.
    A PLANTAR FUERTE!!!

    FRANCHO — 24-03-2006 11:23:03

  5. Un ye o programa Sputnik, yo l'ascuito por o rete pos bibo en Barzelona. O tuyo programa me cuacaría muito pode-lo ascuitar, pero no ye posible, no más ra grabazión d'un diya, podebas fer bella cosa ta que podamos ascuitar-lo la chen que bibimos luen. el 3º cualo ye ?

    default — 28-03-2006 23:48:01

  6. No ye por goyo que ista pachina ye aturada fa cuasi dos meses: he teniu problemas tecnicos y ye imposible entrar en o panel de control enta fer modificazions y meter nuebas notizias. A la fin me rindo, porque no i hai cosa a fer en ista pachina.

    Espero que d´aquí a poco -en que tienga una mica de tiempo-, nos podamos pillar buenos CAPAZOS en una nueba adreza y con un serbidor millor.

    o bordegot — 06-05-2006 12:26:01

  7. ola unatra begada, nomas que 2 cosetas.
    1- aspero que o bodegot trobe una nueba adressa y cue en tienga de tiempo ta fer capazos, yo remato de fer una en bitacoras, a beyer que pasa, pero no me'n dixar meter enrastres porque sera?
    2- isto ye una contestazion a :
    Un ye o programa Sputnik, yo l'ascuito por o rete pos bibo en Barzelona. O tuyo programa me cuacaría muito pode-lo ascuitar, pero no ye posible, no más ra grabazión d'un diya, podebas fer bella cosa ta que podamos ascuitar-lo la chen que bibimos luen. el 3º cualo ye ?
    default — 28-03-2006 23:48:01

    SI TE FA GOYO SENTIR LO POGRAMA DE RADIO MOSICA Y PAROLAS cal dezir que agora no ye lo mismo que ixe que ye penchado en a paxina de www.radiomai.com, si quiers sentirlo ba a estar difizil, pero si me'n das una adressa te nimbiare la traza millor ta nimbiartelo porque i son grabados en mp3, antimas que semos parando cosetas nuebas dende lo pograma.

    francho — 31-05-2006 21:26:50


Recordar datos


LaInformacion.com lainformacion.com - Medio Oficial de los Premios Bitacoras 2009